sawat joh magenah tukad megantung
ngenjek nemonin sasih kaenem
kale ujane ulung bales beriokin langit
dauh abiyan tukad matine ngeloh
mesayuban di beten celagine nuduk lunak lengkong sabit
bungan jagung maseriak kuning gejergejer ampehang angin
tanah barak mesawang selem belus meambu padang
i kedis cerukcuk licitan ngucica liang paidepan
ngalap nasak buah intaran batu kukuk
lan, jalan
nguyeng tinjeh mabekel sopak
di punyan poh, punyah pungut
i teleba mengkeb ngumah ngalih amah
campur baan jagung ngude incuk megoreng
punduhang abun saang di puunapi
nunu payuk ngitukang ibuk krutuk kepuk. megandong
gula juruh ngiket pakeplugplug nyuryakin ujan
nundung dingin nadang manah ngantosin endang..
Tidak ada komentar:
Posting Komentar