"Man, sing ngidang mulih?", petakon ane biasa katakonang kala ketemu timpal-timpale di perantauan.
"Jumah ngodalin di Bale Agung,"
Sebet tanpesaut.
Inguh bayune mepunduh.
Liu timpal-timpale pade ngurimik. Ada ane ngorahang engsap tekening kawitan, ade ane nyambatang sombong lan ada masih ane ngorahang ajum.
Nyak sekadi sesonggane ane mamunyi sekadi bukite ejohin wiyakti katon rawit. Sujatine singa ade ape de.
Kadi mejalan nepukin pempatan, encen jalane sane pinih utama. Encen tetujone sane pinih becik. Kenehe kasaputin baan ambu, uyang atine ngetor naenang dingin rasa kadi kilangan tungguh bayu.
Angine ngesisir ngampehang sekancan keneh. Bengong nungkulang idep. Jiwa premana ngumbara loka.
Nyen ane nawang isin ati?
Bibihe setate bisa nampedang kenyem, kewala cumpu, ragu ngungkulin padewekan.
Jengah kangene meadukan di polo.
Tetep, bibihe caket tanpe munyi.
Tidak ada komentar:
Posting Komentar